煮得一手好菜的肥媽(Maria Cordero),自從2013年為無綫主持飲食節目《搵食》後,便食住條水相繼主持《食平D》、《食平DD》以至最近的《暖DD●食平D》系列都大受歡迎! 

節目中雖然有位有等於冇嘅助手陸浩明,但在廿分鐘內KO三兩個餸絕對難唔到肥媽,肥媽仲將睇落好難煮嘅餸三兩下手勢就搞掂咗,小編跟足肥媽步驟都做到零失敗,今個新年係時候跟肥媽露兩手,孝敬阿爸阿媽!  
Advertisements
泰式浸鮑魚 難度*(最難為五粒星) 
材料:鮑魚6隻 
香茅 30克 
指天椒 5隻 
檸檬葉 5片 
南薑 30克 
糟滷 400克 
雞湯 200克 
(香料類又可到超市買冬蔭功湯料代替) 
Advertisements
做法:  

先將香茅、檸檬葉、指天椒、南薑等切碎,放入鑊中抄,加入糟滷和雞湯,煮約五分鐘至出味,隔走渣滓,放涼待用。 
Advertisements
將鮑魚灼熟,約六至八分鐘視乎大小,熟後去除內臟洗淨,在表面cut格仔紋,助吸收汁液,待鮑魚放涼,放汁內搞伴,再放雪櫃三小時或以上,食得!
 

黃耳黑木耳冬菇粉絲娃娃菜 難度** 
材料: 
娃娃菜 300克
黃耳 50克
黑木耳 50克 
冬菇 八顆 
粉絲 一小包 
乾蔥蓉、薑米、蒜 少許 
Advertisements

紹興酒 少許 
做法:   

先將黃耳洗淨撕開、木耳和冬菇洗淨浸軟切件,粉絲浸軟。 
Advertisements
熱鑊落乾蔥蓉、薑米、蒜蓉等炒香,落香菇、黃耳及黑木耳,灒紹興酒,落適量蠔油豉油調味,落粉絲炒熟,再落娃娃菜炒勻便成。


西式生炒糯米飯 難度*** 
Advertisements
材料: 
糯米 約兩杯 
煙肉、火腿、冬菇 適量切粒 
炸花生 適量 
雞蛋 一至兩隻 
做法:  

先炒香菸肉、火腿,加入已切粒鮮冬菇和草菇,炒勻灒紹興酒,盛起備用。 
Advertisements
糯米要浸至少三小時! 
雞蛋加少許生粉搞勻,以中小火煎成蛋餅,切絲備用。糯米落鑊,大火快炒至米粒略乾身,加水再炒,約加三次水,要視乎加三次水後糯米的狀態,若太濕加兩次水就夠,炒至米粒熟透再落配料炒勻,落煲仔飯豉油加色和炒勻,落埋花生、蛋絲等食得!
Advertisements



花膠海參煲 難度**** 
材料: 
薄花膠(需浸發) 約五隻 
海參(需浸發) 約兩條 
金華火腿 少量切粒 
小棠菜 約六棵 
薑 少量切絲 
糖 一湯匙 
上湯一小碗(清水亦可) 
蠔油 兩湯匙 
生粉 一湯匙 
生抽 兩湯匙 
老抽 一湯匙 
Advertisements
做法: 
花膠浸發方法:先以薑片及紹興酒將花膠汆水,熄火後唔開蓋焗至水變涼。 

海參浸發方法:海參以薑片、紹興酒汆水,取出海參並去除腸臟,洗淨切件備用。 
將鍋燒熱,爆香薑絲、金華火腿,注入適量雞湯或清水,下糖調味,加入海參和花膠,輕拌勻。再將汁料蠔油、生粉、生抽及老抽拌勻,加少許水調稀,加入鍋內拌勻,再加小棠菜煮熟便成。
韭黃火腩燴海參 難度** 
材料: 
燒肉 約600克 
韭黃 約100克 
急凍海參(需浸發) 兩條 
鮮冬菇(浸軟) 約八隻 
紅椒絲 適量 
薑絲 適量 
蔥 適量 
紹興酒 適量 
做法:   

海參浸發方法:海參以薑片、紹興酒汆水,取出海參並去除腸臟,洗淨切件備用。 
下油後落燒肉,加入冬菇再加少許水略炒,落海參、紹興酒、蠔油、老抽調味,拌勻,再加入韭黃和紅椒絲炒勻,加少許生粉芡將汁煮濃便成。


馬拉惹味大蝦 難度** 
材料: 
大蝦 約十二隻 
蝦米 適量 
指天椒 一隻 
乾蔥蓉、蒜蓉 適量 
蝦醬 一湯匙 
紹興酒 少量 
做法:  

大蝦剪走鬚腳、去腸洗淨備用。蝦米切碎,白鑊爆香,落少少油,加入乾蔥蓉、蒜蓉、指天椒炒香,落蝦炒熟。 
蝦醫加入紹興酒拌勻,蝦快熟時落鑊炒勻,完成!


金華魚肚 難度* 
材料:
 
金華火腿 約30克 
魚肚 約100克 
娃娃菜 約300克 
蠶豆、薑絲 適量 
魚露、紹興酒 少許 
做法:   

魚肚浸發、金華火腿汆水。燒熱鍋,爆香薑絲,落金華火腿和蠶豆(需汆水)炒香,注入適量清水,煮滾後加入魚肚,落少許魚露和紹興酒,加入娃娃菜,菜熟後即成。


冬菇鵝掌燴鹿筋 難度**** 
材料:
 
鹿筋 四條 
鵝掌 六隻 
鮮冬菇 約八隻 
乾草菇(洗淨浸軟,菇水留起備用) 約十隻 
薑、乾蒽 適量 
生抽 兩湯匙 
老抽 一湯匙 
蠔油 一湯匙 
做法:   

鹿筋先切成四段,泡浸一晚備用。鵝掌以薑、紹興酒汆水。落油鑊,加薑、乾蔥爆香,先加入鵝掌、已浸軟乾草菇和鹿筋煮熟,加入老抽、生抽、蠔油和草菇水,冚蓋炆約25分鐘,加入鮮冬菇再煮10分鐘便成。 


杏汁白菜豬肺湯 難度**** 
材料:
 
豬肺 一個
豬腱 600克 
白菜 400克 
陳皮 一片 
南北杏 100克 
薑 適量 
紹興酒 適量 
鹽 少量 
做法:  

煮豬肺湯,難度分基本上全落在處理豬肺上,要先將豬肺灌水洗至水變白色,用薑和紹興酒汆水,切件後,白鑊烘乾,期間以鑊鏟擠壓豬肺,令多餘水份排出,豬腱則汆水備用。 
另外,北杏因為有微毒,不能食用太多,與南杏的比例約為十份南杏配一份北杏,謹記! 
將豬肺、豬腱和陳皮加入滾水中,煲約兩小時,將南北杏以攪拌機打成杏汁,倒入湯中,再加白菜,落鹽調味便可。 
 

黑胡椒蟹 難度*** 
材料:
 
肉蟹 兩隻
 
黑胡椒粒(磨碎) 兩湯匙
 
芫荽籽(磨碎) 一湯匙
 
孜然粉 一湯匙
 
牛油 兩片
 
鹽 少量 
做法:  

芫荽籽白鑊炒香,磨碎備用。蟹洗淨切件放入鑊,加入黑胡椒、芫荽籽和孜然粉大火炒香,落鹽調味,冚蓋焗至蟹熟透,秘技是… 
熟透後熄火前,加入兩片牛油炒勻,即時香氣四溢! 

 
桃膠鮮百合蓮子燉鮮奶 難度** 
材料:
 
桃膠 60克 
鮮百合 兩個 
蓮子 30克 
冰糖 50克 
鮮奶 一公升 
做法: 

桃膠先浸水約六至八小時,洗淨備用。 
蓮子浸透、鮮百合洗淨撕成小塊。將所有材料放入燉盅,隔水燉40分鐘便可。 
Advertisements
Facebook 留言版